नेप्से सामान्य अङ्कले घट्यो, कारोबार रकम बढ्यो

साताको अन्तिम कारोबार दिन नेप्से परिसूचक सामान्य अङ्क घटेर बन्द भएको छ। बुधवार र बिहीबारका दुई कारोबार दिन नेप्से बढेर बन्द भए पनि सामान्य अङ्कले घटेको छ । 

शुक्रबार नेप्से परिसूचक ८.३० अङ्क घटेर २ हजार ६५३.४० विन्दुमा झरेको छ । आज कारोबारमा आएका ३४५ कम्पनीको ८५ लाख ८४ हजार कित्ता शेयर ४ अर्ब ४१ करोड २३ लाख ४० हजार रुपैयाँ बराबरको खरिदबिक्री भएको छ । 

नेप्से घटे पनि कारोबार रकम भने वृद्धि भएको छ । बिहीबार ४ अर्ब ११ करोड रुपैयाँ बराबरको शेयर खरिदबिक्री भएको थियो ।

१३ उपसमूहमध्ये ५ उपसमूहको परिसूचक बढेको छ भने ८ उपसमूहको परिसूचक घटेको छ । जसमा वित्त उपसमूहको परिसूचक१.०६ प्रतिशत बढेको छ । त्यस्तै, विकास बैंक, जलविद्युत, लघुवित्त र व्यापार उपसमूहको परिसूचक सामान्य बढेको छ ।

आजको प्रमुख राजनिति खबर

जसपा मधेस प्रदेशमा दलको नेता छान्ने जिम्मा अध्यक्ष यादवलाई रवि लामिछाने नागरिकता विवाद: माघ ११मा अन्तिम सुनुवाइ हुने कांग्रेस संसदीय दलको बैठक २३ गते प्रधानमन्त्री प्रचण्डसँग एकीकृत समाजवादीका अध्यक्ष नेपालको भेट खर्च विवरण नबुझाएका मेयरद्वारा निर्वाचन आयोगविरुद्ध मुद्दा बालुवाटारमा प्रधानमन्त्री प्रचण्ड र ओलीबीच छलफल

नेप्से सामान्य अङ्कले घटे पनि तीन कम्पनीको शेयर सकारात्मक सर्किट लेभलमा कारोबार भएको छ ।जसमा सानिगाड हाइड्रो, स्नो रिभर्स र कालंगा हाइड्रोको शेयर सकारात्मक सर्किट लेभलमा कारोबार भएको छ । अप्पर लोहोरे खोला हाइड्रोपावर कम्पनीको भने सेयर मूल्य १३.६५ प्रतिशतले घटेको छ ।

कारोबार रकमका आधारमा एग्रीकल्चरल बण्डको ४३ करोड रुपैयाँ बराबरको सो बण्ड किनबेच भएको छ ।